ભરૂચ જિલ્લાનાં અંકલેશ્વર જીઆઈડીસીનાં વિવિધ વિસ્તારોમાં તસ્કરો જાણે પોલીસને ખુલ્લો પડકાર ફેંકી રહ્યા હોય એમ ચોરીનાં એક પછી એક બનાવો સામે આવી રહ્યા છે અંકલેશ્વરના ભડકોદ્રા ગામમાં આવેલ વૃંદાવન સોસાયટીમાં એક જ રાતમાં બાઈક ચોરીની ત્રણ ઘટના સામે આવી છે. બાઈક ચોરીની ઘટનાના સીસીટીવી ફૂટેજ પણ બહાર આવ્યા છે. મળતી માહિતી મુજબ, અંકલેશ્વર જીઆઈડીસીનાં વિવિધ વિસ્તારોમાં તસ્કરો જાણે પોલીસને ખુલ્લો પડકાર ફેંકી રહ્યા હોય એમ ચોરીના એક પછી એક બનાવો સામે આવી રહ્યા છે.

ત્યારે અંકલેશ્વરના ભડકોદ્રા ગામમાં આવેલ વૃંદાવન સોસાયટીમાં એક જ રાતમાં બાઈક ચોરીની ત્રણ ઘટના બની હતી. મોડી રાત્રિના સમયે અજાણ્યા ઈસમો સોસાયટીમાં પાર્ક કરેલ એક જ કંપનીની ત્રણ બાઈકની ચોરી કરી સોસાયટીમાંથી પલાયન થઈ ગયા હતા. આ સમગ્ર ઘટનાના સીસીટીવી ફૂટેજ પણ સામે આવ્યા છે જેમાં અજાણ્યા ઈસમો બાઈકને લઈ જતા નજરે પડી રહ્યા છે. સવારે રહીશોએ જ્યારે બાઈક શોધતા તેઓને આ અંગેની જાણ થઈ હતી ત્યારે પોલીસને જાણ કરવામાં આવી હતી. જીઆઈડીસી પોલીસે સીસીટીવી ફૂટેજના આધારે ચોરોની ધરપકડની કામગીરી હાથ ધરી હતી.